ကျွန်မတို့နိုင်ငံမှာ သတင်းတွေ လွတ်လပ်စွာ စီးဆင်းခွင့် မရှိဘူး။ အမှန်တရားကို သိချင်ရင် နိုင်ငံခြား မီဒီယာတွေကို အားကိုးရတယ်။ မနေ့က ဖြစ်တဲ့ ကိစ္စဟာ ကျွန်မတို့တွေ အတွက်တော့ တုန်လှုပ်စရာ အကြောင်းတစ်ခုပါ။ ဒါပေမယ့် ဒီလိုဖြစ်သွားတဲ့ အတွက် ဘယ်သူကမှလည်း လိုက်လံဖြေရှင်းပေးလို့ မရသလို ကျွန်မတို့လည်း ဘာမှဖြေရှင်းပေးနိုင်တာ မဟုတ်ပါဘူး။ ကိုနေဘုန်းလတ် မဖမ်းခံရလား မခံရလားဆိုတာ ကျွန်မတို့လည်း သေချာ မသိပါဘူး။ သူ့အိမ်ကို ရဲတွေ ၀ိုင်းထားတယ်ဆိုတာလည်း လူတွေရဲ့ ချဲ့ကား ပြောဆိုခြင်း မျှသာ ဖြစ်ပါတယ်။ ဒါပေမယ့် ဘာကြောင့် လူတွေဟာ သတင်းတွေကို လက်လွတ် စပယ်ဖြန့်နေရတာလည်း။ သာမန်လူတွေအတွက်တော့ ဘာမှ မပြောပလောက်ပေမယ့် တစ်ခုသော နာမည်ကြီး မီဒီယာ တစ်ခုမှာ ဘာမှ မရေရာ မသေချာသေးတဲ့ ကိုနေဘုန်းလတ်ရဲ့ သတင်းကို လုံးဝ သေချာနေသလိုမျိုး ရေးထားတယ်။ အချိန်နဲ့ နေရာကအစ မမှန်ပဲ သေသေချာချာကို ရေးထားတယ်။ ထားပါတော့ ဒီကိစ္စရဲ့ သတင်းတွေကလည်း ပြန့်နေတာကို။ နောက်ဆက်တွဲ သတင်းတက်လာတယ်။ သူ့ရဲ့ သူငယ်ချင်း ဘလောဂ့်ဂါတွေတောင် ထွက်ပြေးတိမ်းရှောင်နေရတယ်တဲ့။ ဒီဘက်က အခြေအနေကို သေချာ မသိပဲ ဘာကြောင့် အဲလို ရမ်းလုပ်တာလည်းတော့ ကျွန်မလည်း မသိပါဘူး။ ဒီဘက်မှာ အားလုံး အိုကေပါတယ်။ ဘယ်သူကမှလည်း ထွက်ပြေးမနေသလို၊ ကျွန်မတို့တွေဟာ ဘာမှလည်း မဟုတ်တာ လုပ်တဲ့သူတွေ မဟုတ်ကြပါဘူး။ အားလုံးဟာ လွတ်လပ်စွာ blogging လုပ်နေကြတာပါ။ ဂျီတော့မှာလည်း 10 ယောက်အထက်သော လာမေးသူတွေကို လက်မလည်အောင် ဖြေရှင်းရတယ်။ စိတ်ပိန်တယ် ဆိုတာကလွဲရင် ဘာမှ ပြောစရာအကြောင်း မရှိပါဘူး။ မသေချာ မရေရာတဲ့ သတင်းတွေကို ဘယ်သူက ဖြန့်နေတာလဲ။ မသေချာ မရေရာတဲ့ သတင်းတွေကို ဘာကြောင့်ရော တင်ပေးနေရတာလဲ။
No comments:
Post a Comment